நீங்கள் தேடியது "மது பழக்கம்"

பெருந்துறை:

பெருந்துறை அருகே உள்ள விஜயமங்கலம் கோவில் பாளையம் சோழ நகரை சேர்ந்தவர் குமார்ராஜா (வயது 33).

இவர் பெருந்துறை சிப் காட்டில் உள்ள ஒரு ஜவுளி நிறுவனத்தில் தொழிலாளியாக வேலை பார்த்து வந்தார். அதே நிறுவனத்தில் பணி புரிந்த ஷோபனா (21). இருவருக்கும் காதல் ஏற்பட்டது.

பெற்றோர் சம்மதத்துடன் கடந்த 3 மாதத்துக்கு முன் இவர்களின் திருமணம் நடந்தது.

குமார்ராஜாவுக்கு குடி பழக்கம் இருந்ததாக கூறப்படுகிறது. இதை காதல் மனைவி ஷோபனா கண்டித்தார். இது தொடர்பாக இரு வருக்கும் இடையே தகராறு ஏற்பட்டு வந்தது.

இதில் ஷோபனா கோபித்து கொண்டு தனது பெற்றோர் வீட்டுக்கு போய் விட்டார். இதனால் குமார் ராஜா மிக வேதனையில் இருந்தார் இந்த நிலையில் நேற்று இரவு வீட்டில் அவரது அம்மா வெளியே போய் விட்டார். இதனால் அவர் காதல் மனைவி பிரிந்த ஏக்கத்தில் வீட்டில் உள்ள மின் விசிறி கம்பியில் கயிற்றில் தூக்குப்போட்டு தற்கொலை செய்து கொண்டார். வீட்டுக்கு வந்த அவரது தாயார் மகன் தூக்கில் பிணமாக தொங்கியதை கண்டு அதிர்ச்சி அடைந்தார்.

இது குறித்து பெருந்துறை போலீஸ் சப்- இன்ஸ்பெக்டர் எட்வர்ராஜ் விசாரணை நடத்தி வருகிறார்.

புதுச்சேரி:

புதுவை நெல்லித்தோப்பு அருள்படையாச்சி வீதியை சேர்ந்த ஜெயராஜ் (வயது48). இவர் கட்டிடங்களுக்கு கம்பி கட்டும் வேலையை காண்டிராக்டு அடிப்படையில் செய்து தரும் தொழில் செய்து வந்தார். இவருக்கு சோபியா என்ற மனைவியும் திவ்யா என்ற மகளும் உள்ளனர்.

இதற்கிடையே சமீபகாலமாக ஜெயராஜிக்கு கட்டிடங்களுக்கு கம்பி கட்டும் வேலை அமையவில்லை. மேலும் மதுகுடிக்கும் பழக்கத்தையும் ஏற்படுத்தி கொண்ட ஜெயராஜ் மதுகுடிக்கவும், குடும்ப செலவுக்கு பணம் கொடுக்க முடியாமலும் திண்டாடி வந்தார். இதனால் விரக்தியில் இருந்து வந்தார்.

நேற்று காலை சோபியா கணவருக்கும், மகளுக்கும் உணவு தயாரித்து வைத்துவிட்டு உடல்நிலை பாதிக்கப்பட்டிருந்த தனது தந்தையை பார்க்க சென்றிருந்தார். இந்த நிலையில் மதியம் ஜெயராஜ் மதுக்கடையில் மதுகுடித்துவிட்டு வீட்டுக்கு மதுபாட்டிலுடன் வந்தார்.

வீட்டின் கீழ்தளத்தில் மகள் திவ்யா விளையாடி கொண்டு இருந்த வேளையில் ஜெயராஜ் கையில் கொண்டு வந்த மீதி மதுவை குடித்து விட்டு வீட்டின் அறையில் மின்விசிறியில் சேலையால் தூக்குபோட்டு தற்கொலை செய்து கொண்டார். சிறிது நேரம் கழித்து திவ்யா வீட்டுக்குள் வந்து பார்த்த போது தந்தை தூக்கில் பிணமாக தொங்குவதை கண்டு அதிர்ச்சி அடைந்தார். இதுகுறித்து தாய் சோபியாவுக்கு தகவல் தெரிவித்தார்.

இதையடுத்து சோபியா இதுபற்றி உருளையன்பேட்டை போலீசில் புகார் செய்தார். போலீசார் சம்பவ இடத்துக்கு சென்று உடலை கைப்பற்றி பிரேத பரிசோதனைக்காக கதிர்காமம் அரசு மருத்துவ கல்லூரி ஆஸ்பத்திரிக்கு அனுப்பி வைத்தனர்.

மேலும் வழக்குபதிவு செய்து ஜெயராஜ் வேலை கிடைக்காத விரக்தியில் தற்கொலை செய்து கொண்டரா?அல்லது வேறுஏதும் காரணமா என்பது குறித்து விசாரணை நடத்தி வருகிறார்கள்.

சேதராப்பட்டு:

நெட்டப்பாக்கம் அருகே கல்மண்டபம் அந்தராசிக் குப்பம் தேவகி நகரை சேர்ந்தவர் சதாசிவம் (வயது 42). கூலித்தொழிலாளி. இவரது மனைவி நாகலட்சுமி. இவர் அந்த பகுதியில் உள்ள தனியார் கம்பெனியில் வேலை பார்த்து வருகிறார். இவர்களுக்கு 2 மகன்கள் உள்ளனர்.

சதாசிவத்துக்கு மது குடிக்கும் பழக்கம் இருந்து வந்தது. இதனை அவ்வப்போது அவரது மனைவி நாகலட்சுமி கண்டிப்பது வழக்கம்.

நேற்று முன்தினம் இரவும் சதாசிவம் மது குடித்து விட்டு வீட்டுக்கு வந்த போது நாகலட்சுமி கண்டித்தார். இதனால் சதாசிவம் மனமுடைந்தார். அவர் தற்கொலை செய்து கொள்ள முடிவு செய்தார்.

நேற்று அதிகாலை நாகலட்சுமி முதல் ஷிப்டு வேலைக்கு சென்று விட்டார். மகன்களும் வெளியே விளையாட சென்ற நிலையில் சதாசிவம் வீட்டில் மின்வயரில் தூக்குபோட்டு தொங்கினார்.

காலை உணவு சாப்பிட நாகலட்சுமி வீட்டுக்கு வந்த போது கணவன் தூக்கில் தொங்குவதை கண்டு அதிர்ச்சி அடைந்தார். பின்னர் அக்கம் பக்கத்தினர் உதவியுடன் கணவரை மீட்டு கதிர்காமம் மருத்துவ கல்லூரி ஆஸ்பத்திரிக்கு கொண்டு சென்றனர். அங்கு பரிசோதித்த டாக்டர்கள் சதாசிவம் ஏற்கனவே இறந்து விட்டதாக தெரிவித்தனர்.

இதுகுறித்த புகாரின் பேரில் நெட்டப்பாக்கம் போலீசார் வழக்குபதிவு செய்து விசாரணை நடத்தி வருகிறார்கள்.